Minnisblað vegna fundar forseta Menntavísindasviðs með kennurum á sviði upplýsingatækni og miðlunar;
kjörsviði í grunnnámi og sérsviði í framhaldsnámi
Fimmtudagur 30. október 2008
Upplýsingatækni og miðlun i skyldunámi kennaranema
Skyldunám kennaranema á sviði upplýsingatækni og miðlunar hefur lengi verið 2 einingar (4 ECTS) á fyrsta misseri kennaranáms en var eftir tilraun í nýju kerfi til að keyra 2,5 einingar með 2,5 einingum í íslensku á einu 5 eininga námskeiði haustið 2007 fært yfir á annað misseri kennaranámsins. Þetta 2ja eininga námskeið fær stuðning af þáttum sem kennarar á þessu sviði annast á kennslufræðinámskeiðum á fyrsta misseri og þriðja misseri kennaranáms grunn- og leikskólakennaranema. Kennaranemar hafa í þessu skyldunámi kynnst fjölda hugbúnaðarlausna og leiða til miðlunar í námi og kennslu auk umfjöllunar um gagnaleitir, upplýsingalæsi, upplýsingatækni og miðlun í skólastarfi.
Kjörsvið um upplýsingatækni og miðlun í grunnnámi kennaranema
Kjörsviðinu er ætlað að búa kennara undir almenna kennslu með áherslu á upplýsingatækni og miðlun, kennslu í upplýsingatækni og miðlun eða starf í upplýsingaveri eða smiðju við grunnskóla. Miðað er við nemar muni hafa hlutverki að gegna við að ryðja nýjungum braut og vera öðrum til ráðgjafar. Kjörsviðið hefur vaxið hratt fram frá stofnun, var fyrst 10 einingar en var fljótlega aukið í 15 einingar á fimm 3ja eininga námskeiðum auk valinna námskeiða sem sækja mátti til annarra kjörsviða, einkum myndmenntanámskeiða en einnig námskeiða á sviði stærðfræði og erlendra tungumála. Nemendur gátu tekið meira en 30 einingar á kjörsviðinu með því móti. Í nýju kerfi sem tók við haustið 2007 vegur kjörsviðið 40 einingar (80 ECTS) með vettvangsnámi. Í boði eru átta 5 eininga námskeið í umsjón fjögurra kennara á sviðinu. Fleiri kennarar koma að þessum námskeiðum.
Lauslega má áætla að um eða innan við tíu nemendur í hverjum árgangi stað- og fjarnema hafi verið á sviðinu að meðaltali. Margir fleiri hafa sótt námskeið á sviðinu. 4 nemendur völdu sviðið haustið 2008 og hafa aldrei áður verið svo fáir. Þeir höfðu engin bein kynni haft af efni eða kennurum á sviðinu áður en val fór fram. 16 völdu sviðið árið áður sem sýnir vel hvílíkar sveiflur geta verið í vali nemenda á milli ára. Um 10 eru skráðir á kjörsviðsnámskeið á 2. misseri vorið 2009 eða 6 umfram þá 4 sem völdu sviðið.
Námsbraut eða kjörsviðið upplýsingatækni og miðlun í framhaldsnámi
Námið á að mennta sérfræðinga sem stuðla að bættu skóla- og fræðslustarfi með aðstoð upplýsingatækni, nýrra miðla og samskiptaleiða. Lögð er áhersla á að byggja upp náms-/fagsamfélag og er t.d. haldið úti póstlista sem á eru flestir sem skráðir hafa verið í inngangsnámskeið sviðsins (9 árgangar nemenda). Tölvu- og upplýsingatækninámsbraut fór af stað haustið 1998 (15 einingar aukið í 30 árið 2000). Varð haustið 2006 að sérsviði/námsleið við námsbraut í uppeldis- og menntunarfræði (til 60 eininga M.Ed. eða 30 eininga Dipl.Ed. gráðu) en hélt sér einnig sem sjálfstæð braut fyrir þá sem lengra voru komnir (15-30 eininga Dipl.Ed. nám). Í ársbyrjun 2007 voru nemendur allir fluttir yfir á nýju M.Ed. námsbrautina og haustið eftir var allt námsframboð á nýja sérsviðinu. Nafni sviðsins var breytt í Upplýsingatækni og miðlun sem einnig er notað fyrir kjörsviðið í grunndeild. Gert er ráð fyrir meiri samfellu við grunnnámið en áður var enda geta nemendur með B.Ed. gráðu haldið beint áfram í framhaldsnámið. Námið er nú í boði sem kjörsvið í M.Ed. námi í menntunarfræðum á Menntavísindasviði Háskóla Íslands.
Í framhaldsnáminu eru í boði þrjú 10ECTS skyldunámskeið og þrjú 10 ECTS valnámskeið, samtals 60 ECTS. Umsjónarmenn námskeiða eru nú fjórir. Nemendur á brautinni/sviðinu hafa verið á að giska 200 talsins á þeim 10 árum sem námið hefur verið í boði en sveiflast frá 25-36 yfir í 10-12 nýnema seinni árin. Töluvert er um að nemendur sem úr fyrri árgöngum sem luku Dipl.Ed. gráðu (15 eða 30 einingum) skrái sig aftur til náms til að ljúka meistaragráðu. Einnig eru oft nemendur utan sviðsins skráðir á námskeiðin (t.d. úr kennsluréttindanámi og/eða fullorðinsfræðslu). Um 20 sem tekið hafa sérsviðið hafa nú lokið meistaraprófsverkefnum við KHÍ/menntavísindasviðið.
Rannsóknir og þróunarstarf tengt starfi leik-, grunn- og framhaldsskóla
Umsjónarkennarar námskeiða á ofangreindum sviðum eru Jón Jónasson, Salvör Gissurardóttir, Sólveig Jakobsdóttir, Stefán Jökulsson og Torfi Hjartarson. Í fagráði um upplýsingatækni og miðlun eru auk þeirra Hróbjartur Árnason og Þuríður Jóhannsdóttir. Fleiri kennarar á Menntavísindasviði hafa tengst kennslu og/eða rannsóknum á sviðinu, þar á meðal Allyson Macdonald og Svala Jónsdóttir, svo og utanaðkomandi aðilar (Lára Stefánsdóttir) eða starfsfólk stoðþjónustu (Sólrún B. Kristinsdóttir). Salvör er formaður fagráðs, Torfi hefur haft umsjón með grunnnámínu en Sólveig með framhaldsnáminu.
Nýverið stóð fagráðið fyrir stofnun Rannsóknarstofu um upplýsingatækni og miðlun, RannUM, undir forystu Sólveigar Jakobsdóttur. Einnig voru lagðar fram hugmyndir um rannsóknarklasa í tengslum við MARKVÍS. Á vef stofunnar eru taldir um 40 einstaklingar sem vilja koma að stofunni með einum eða öðrum hætti auk stuðnings- og samstarfsaðila á borð við félagasamtök og stofnanir. Rannsóknarverkefnum eða fram komnum hugmyndum að þeim er m.a. lýst í hugarkorti á vef stofunnar, sjá http://wp.khi.is/rannum. Hér eru talin dæmi um áhugasvið, hugmyndir eða rannsóknarviðfangsefni kennara í fagráðinu:
Hróbjartur Árnason
Fullorðinsfræðsla með stuðningi upplýsingatækni.
Samvinnunám á vefnum
Jón Jónasson
Reynsla fjarnema í kennaramenntun fyrr og nú.
Fjarkennsla með stuðningi upplýsingatækni.
Salvör Gissurardóttir
Opið aðgengi og samvinna á vef í skólastarfi.
Sköpun og samvinna í opnum kerfum.
Hönnun, forritun, inntak – framleiðandi, neytandi, notkun.
Stefán Jökulsson
Miðlun og miðlalæsi, tjáning og táknvísi í skólastarfi.
Samtal og sköpun í skólastarfi.
Fjölmiðlar og skólastarf.
Sólveig Jakobsdóttir
Notkun upplýsinga- og samskiptatækni skólum, tölvu- og skólamenning.
Hæfni á sviði upplýsinga- og samskiptatækni, vandkvæði tengd tölvunotkun.
Blandað nám og fjarnám á framhaldsskóla- og háskólastigi.
Torfi Hjartarson
Upplýsingatækni og miðlun í grunnskólum; þróun og stuðningur.
Upplýsingaver og smiðjur í skólastarfi.
Námsefnisgerð, safnkennsla og stafræn miðlun á menningararfi.
Þuríður Jóhannsdóttir
Kennaramenntun í fjarnámi.
Mörk skóla og kennaramenntunar.
Skólaþróun, menning og þróun faggreina.
Hugmyndir og staða samstarfs við önnur svið HÍ og annarra háskóla
Nefna má tengsl við fjölmiðlafræði og upplýsinga- og safnfræði á nýju sviði félagsvísinda við HÍ. Rannsóknarklasahugmynd sem lögð var fram í tengslum við MARKVÍS gerir m.a. ráð fyrir slíku samstarfi og byggir á yfirlýstum vilja til samstarfs. Lítil sem engin tengsl eru við tölvufræði á sviði raunvísinda við HÍ en þar gæti skapast samstarf um fræði sem lúta að hönnun og notendaskilum, nýsköpun, kennslu- og menntunarfræði sem lúta að tæknikennslu og fleira. Hugsanlega má bjóða upplýsingatækni og miðlun í skólastarfi fram sem aukagrein í grunnnámi fyrir nemendur á öðrum sviðum HÍ og brýnt er að efla menntun safnkennara í skólum. Þá má nefna safnfræðslu almennt, námsefnisgerð og stafræna miðlun, stafrænar námsbjargir eða námshluti í ýmsu samhengi menntunar og menningar. Ennfremur félagsfræðileg viðfangsefni tengd upplýsingatækni, uppeldi og fötlunarfræðum, t.d. verkefni tengd aðgengi að stafrænni tækni, tölvuleikjum eða samskiptum í netheimum. Dæmi eru um að nemendur HÍ hafi sótt námskeið á sviði upplýsingatækni og miðlunar við KHÍ og líklegt virðist að það færist í vöxt eftir sameiningu skólanna.
Kennarar á sviðinu hafa tekið þátt í fjölmörgum samstarfsverkefnum innlendum og erlendum og/eða hafa tengsl vegna náms síns erlendis. Byggst hafa upp góð tengsl við aðila víðs vegar um heiminn. Sem dæmi má nefna samstarfssamning við Bemidji State University í Minnesota um kennslu og þróunarstörf (gerður í kjölfar veru Patriciu Rogers sem var á Íslandi á Fulbright styrk 2001. Samstarf í kennslu hefur líka verið við Athabascaháskóla. Kennarar á sviðinu hafa tekið þátt í Evrópuverkefnum (APPLAUD, EUN, CEEWIT) og norrænum verkefnum (ITDG/Information Technology, Transnational Democracy and Gender; IT og skoler i spredbygde strök i Norden). Meðal verkefna sem kennarar taka nú þátt í er STEPS Evrópuverkefnið og DLR (digital learning resources) á vegum OECD. Nýlega var unnin umsókn í RANNÍS um færni og hæfniviðmið á sviði upplýsingatækni í samstarfi við University of Minnesota. Þá má nefna DISTANS samtökin sem tengjast fjarnámi og fullorðinsfræðslu.
Hugmyndir og áhyggjuefni varðandi þróun greinasviðsins
Áhyggjur eru af því hve mörg kjörsvið togast á um fáa nemendur einkum í ljósi þess hve kjörsviðin yngri barna kennsla og almenn kennsla draga til sín marga nemendur. Í ár velur um þriðjungur nema þessi tvö svið. Faggreinasviðin vöruðu mjög við þessu þegar almenna kjörsviðið var stofnað á liðnu ári. Spyrja má hvort ekki hafi farið betur á eldra kerfi þar sem nemar gátu valið aðal- og aukasvið og náðu með því að nota alla valmöguleika 25 til 30 einingum á aðalkjörsviði. Til greina kæmi að sum kjörsvið verði eitthvað minni en önnur. Einnig má hugsa sé að einhver námskeið séu unnin í samvinnu tveggja kjörsviða á jafnréttisgrundvelli og telji á báðum kjörsviðum.
Áhyggjur eru af því að kjörsvið í framhaldsnámi hafi ekki jafn sterka stöðu og sjálfstæð námsbraut hafði áður, nemendur sem hefja námið byrja ekki endilega á inngangsnámskeiðinu og erfiðara er að ná til/halda utan um og/eða byggja upp hópinn (cohort-based design). Hópar eru nú blandaðri en áður - einnig m.t.t. kennslureynslu. Spurning er varðandi kennslureynslu hvernig vettvangsnám ætti að þróast innan framhaldsnámsins.
Rætt hefur verið um þann möguleika að kennarar á svið upplýsingatækni og miðlunar bjóði fram námsþætti til nota á námskeiðum annarra, hálfa einingu, eina eða tvær um valda þætti sem líklegt er að önnur námskeið eða námsbrautir myndu vilja nýta sér.
Hugmynd um aukagrein á sviði upplýsingatækni og miðlunar hefur þegar verið nefnd.
Námskosti í tengslum við safnkennslu í skólum þarf að efla.
Tengja mætti upplýsingatækni, miðlun og nám í tómstundastarfi.
Efla þarf notkun upplýsingatækni og nýmiðlunar á háskólastigi í samræmi við yfirlýst markmið með nýrri skipan kennaramenntunar, stefnu stjórnvalda á liðnum árum og Bologna-yfirlýsingu.
Miklir möguleikar eru á bjóða fram ýmiss konar endurmenntunartilboð á vettvangi skólastarfs á öllum skólastigum en lítið svigrúm hefur verið til að sinna þeim.
Tengsl við starf Menntasmiðju hafa verið veruleg og þróunar- og rannsóknarverkefni í samvinnu við hana gætu verið mjög áhugaverð.
Efla þarf samstarf við ráðuneyti menntamála, menntasvið og leikskólasvið Reykjavíkurborgar og starf á vegum annarra sveitarfélaga.
Leiðir til að kynna umfjöllunarefni innan sviðsins
Sjá hér að ofan um skörun, tilboð um námsþætti, tengsl við Menntasmiðju og fleira.
Efla mætti ráðstefnuhald á sviðinu. Önnur mál
Skipulag vettvangsnáms þarf að samræma á milli sviða. Næstu skref
Efling rannsóknarverkefna á vegum RannUM.
Tengsl við MARKVÍS.
Hugmyndavinna um kjörsvið.
Hönnun námsþátta að bjóða öðrum.
Tengsl við ráðuneyti og sveitarfélög.
Minnisblað frá kjörsviði í upplýsingatækni og miðlun við menntavísindasvið HÍ Hver hópur er beðinn um að hafa með sér á fundinn stutt minnisblað (ca 1 bls.) þar sem vikið er að eftirtöldum atriðum: 1. Umfang greinarinnar nú í starfi Menntavísindasviðs (fjöldi kennara, nemenda o.s.frv.):
SJ, TH.../grunn framhalds... 2. Rannsóknir og þróunarstarf kennara sem beinlínis tengjast starfi leik-, grunn- og framhaldsskóla:
Allir senda 3-4 línur um sitt... , taka úr CV og vinnumats... SJ kallar eftir, mætti einnig birta á RANNUM-vef 3. Hugmyndir og staða samstarfs við önnur svið HÍ og annarra háskóla
Rannsóknarklasahugmyndin við Markvís... (SJ)... Ath. að ýmsir utan menntavísindasviðs eru að taka námskeið, svo sameining virðist stuðla að því að nemendur velji sig milli sviða (SJ+SJ; framhaldsnámskeið), skólasafnskennarar – samvinna við bókasafns- og upplýsingafræðina. Ath. miðlalæsi – fjölmiðafræðin..., tölvunarfræði... 4. Hugmyndir og áhyggjuefni varðandi þróun geinarinnar innan menntavísindasviðs
Val kjörsviðs í grunnnámi
UT í öllu námi á háskólastigi (ath. Bologna tómstunda- o.fl. greinar),
Sýn – meira samstarf við ráðuneyti, skóla..
Kennsla - pakkar misstórir.
Hlutverk í tengslum við stuðningsþjónustu.
* 5. Leiðir til að kynna viðkomandi umfjöllunarefni innan sviðsins 6. Önnur mál 7. Næstu skref
Þessu til viðbótar væri gott að heyra fyrirfram af málum sem hvert svið umsig vill taka upp - svo hægt verði að undirbúa það fyrir fundinn.
kjörsviði í grunnnámi og sérsviði í framhaldsnámi
Fimmtudagur 30. október 2008
Upplýsingatækni og miðlun i skyldunámi kennaranema
Skyldunám kennaranema á sviði upplýsingatækni og miðlunar hefur lengi verið 2 einingar (4 ECTS) á fyrsta misseri kennaranáms en var eftir tilraun í nýju kerfi til að keyra 2,5 einingar með 2,5 einingum í íslensku á einu 5 eininga námskeiði haustið 2007 fært yfir á annað misseri kennaranámsins. Þetta 2ja eininga námskeið fær stuðning af þáttum sem kennarar á þessu sviði annast á kennslufræðinámskeiðum á fyrsta misseri og þriðja misseri kennaranáms grunn- og leikskólakennaranema. Kennaranemar hafa í þessu skyldunámi kynnst fjölda hugbúnaðarlausna og leiða til miðlunar í námi og kennslu auk umfjöllunar um gagnaleitir, upplýsingalæsi, upplýsingatækni og miðlun í skólastarfi.
Kjörsvið um upplýsingatækni og miðlun í grunnnámi kennaranema
Kjörsviðinu er ætlað að búa kennara undir almenna kennslu með áherslu á upplýsingatækni og miðlun, kennslu í upplýsingatækni og miðlun eða starf í upplýsingaveri eða smiðju við grunnskóla. Miðað er við nemar muni hafa hlutverki að gegna við að ryðja nýjungum braut og vera öðrum til ráðgjafar. Kjörsviðið hefur vaxið hratt fram frá stofnun, var fyrst 10 einingar en var fljótlega aukið í 15 einingar á fimm 3ja eininga námskeiðum auk valinna námskeiða sem sækja mátti til annarra kjörsviða, einkum myndmenntanámskeiða en einnig námskeiða á sviði stærðfræði og erlendra tungumála. Nemendur gátu tekið meira en 30 einingar á kjörsviðinu með því móti. Í nýju kerfi sem tók við haustið 2007 vegur kjörsviðið 40 einingar (80 ECTS) með vettvangsnámi. Í boði eru átta 5 eininga námskeið í umsjón fjögurra kennara á sviðinu. Fleiri kennarar koma að þessum námskeiðum.
Lauslega má áætla að um eða innan við tíu nemendur í hverjum árgangi stað- og fjarnema hafi verið á sviðinu að meðaltali. Margir fleiri hafa sótt námskeið á sviðinu. 4 nemendur völdu sviðið haustið 2008 og hafa aldrei áður verið svo fáir. Þeir höfðu engin bein kynni haft af efni eða kennurum á sviðinu áður en val fór fram. 16 völdu sviðið árið áður sem sýnir vel hvílíkar sveiflur geta verið í vali nemenda á milli ára. Um 10 eru skráðir á kjörsviðsnámskeið á 2. misseri vorið 2009 eða 6 umfram þá 4 sem völdu sviðið.
Námsbraut eða kjörsviðið upplýsingatækni og miðlun í framhaldsnámi
Námið á að mennta sérfræðinga sem stuðla að bættu skóla- og fræðslustarfi með aðstoð upplýsingatækni, nýrra miðla og samskiptaleiða. Lögð er áhersla á að byggja upp náms-/fagsamfélag og er t.d. haldið úti póstlista sem á eru flestir sem skráðir hafa verið í inngangsnámskeið sviðsins (9 árgangar nemenda). Tölvu- og upplýsingatækninámsbraut fór af stað haustið 1998 (15 einingar aukið í 30 árið 2000). Varð haustið 2006 að sérsviði/námsleið við námsbraut í uppeldis- og menntunarfræði (til 60 eininga M.Ed. eða 30 eininga Dipl.Ed. gráðu) en hélt sér einnig sem sjálfstæð braut fyrir þá sem lengra voru komnir (15-30 eininga Dipl.Ed. nám). Í ársbyrjun 2007 voru nemendur allir fluttir yfir á nýju M.Ed. námsbrautina og haustið eftir var allt námsframboð á nýja sérsviðinu. Nafni sviðsins var breytt í Upplýsingatækni og miðlun sem einnig er notað fyrir kjörsviðið í grunndeild. Gert er ráð fyrir meiri samfellu við grunnnámið en áður var enda geta nemendur með B.Ed. gráðu haldið beint áfram í framhaldsnámið. Námið er nú í boði sem kjörsvið í M.Ed. námi í menntunarfræðum á Menntavísindasviði Háskóla Íslands.
Í framhaldsnáminu eru í boði þrjú 10ECTS skyldunámskeið og þrjú 10 ECTS valnámskeið, samtals 60 ECTS. Umsjónarmenn námskeiða eru nú fjórir. Nemendur á brautinni/sviðinu hafa verið á að giska 200 talsins á þeim 10 árum sem námið hefur verið í boði en sveiflast frá 25-36 yfir í 10-12 nýnema seinni árin. Töluvert er um að nemendur sem úr fyrri árgöngum sem luku Dipl.Ed. gráðu (15 eða 30 einingum) skrái sig aftur til náms til að ljúka meistaragráðu. Einnig eru oft nemendur utan sviðsins skráðir á námskeiðin (t.d. úr kennsluréttindanámi og/eða fullorðinsfræðslu). Um 20 sem tekið hafa sérsviðið hafa nú lokið meistaraprófsverkefnum við KHÍ/menntavísindasviðið.
Rannsóknir og þróunarstarf tengt starfi leik-, grunn- og framhaldsskóla
Umsjónarkennarar námskeiða á ofangreindum sviðum eru Jón Jónasson, Salvör Gissurardóttir, Sólveig Jakobsdóttir, Stefán Jökulsson og Torfi Hjartarson. Í fagráði um upplýsingatækni og miðlun eru auk þeirra Hróbjartur Árnason og Þuríður Jóhannsdóttir. Fleiri kennarar á Menntavísindasviði hafa tengst kennslu og/eða rannsóknum á sviðinu, þar á meðal Allyson Macdonald og Svala Jónsdóttir, svo og utanaðkomandi aðilar (Lára Stefánsdóttir) eða starfsfólk stoðþjónustu (Sólrún B. Kristinsdóttir). Salvör er formaður fagráðs, Torfi hefur haft umsjón með grunnnámínu en Sólveig með framhaldsnáminu.
Nýverið stóð fagráðið fyrir stofnun Rannsóknarstofu um upplýsingatækni og miðlun, RannUM, undir forystu Sólveigar Jakobsdóttur. Einnig voru lagðar fram hugmyndir um rannsóknarklasa í tengslum við MARKVÍS. Á vef stofunnar eru taldir um 40 einstaklingar sem vilja koma að stofunni með einum eða öðrum hætti auk stuðnings- og samstarfsaðila á borð við félagasamtök og stofnanir. Rannsóknarverkefnum eða fram komnum hugmyndum að þeim er m.a. lýst í hugarkorti á vef stofunnar, sjá http://wp.khi.is/rannum. Hér eru talin dæmi um áhugasvið, hugmyndir eða rannsóknarviðfangsefni kennara í fagráðinu:
Hróbjartur Árnason
Fullorðinsfræðsla með stuðningi upplýsingatækni.
Samvinnunám á vefnum
Jón Jónasson
Reynsla fjarnema í kennaramenntun fyrr og nú.
Fjarkennsla með stuðningi upplýsingatækni.
Salvör Gissurardóttir
Opið aðgengi og samvinna á vef í skólastarfi.
Sköpun og samvinna í opnum kerfum.
Hönnun, forritun, inntak – framleiðandi, neytandi, notkun.
Stefán Jökulsson
Miðlun og miðlalæsi, tjáning og táknvísi í skólastarfi.
Samtal og sköpun í skólastarfi.
Fjölmiðlar og skólastarf.
Sólveig Jakobsdóttir
Notkun upplýsinga- og samskiptatækni skólum, tölvu- og skólamenning.
Hæfni á sviði upplýsinga- og samskiptatækni, vandkvæði tengd tölvunotkun.
Blandað nám og fjarnám á framhaldsskóla- og háskólastigi.
Torfi Hjartarson
Upplýsingatækni og miðlun í grunnskólum; þróun og stuðningur.
Upplýsingaver og smiðjur í skólastarfi.
Námsefnisgerð, safnkennsla og stafræn miðlun á menningararfi.
Þuríður Jóhannsdóttir
Kennaramenntun í fjarnámi.
Mörk skóla og kennaramenntunar.
Skólaþróun, menning og þróun faggreina.
Hugmyndir og staða samstarfs við önnur svið HÍ og annarra háskóla
Nefna má tengsl við fjölmiðlafræði og upplýsinga- og safnfræði á nýju sviði félagsvísinda við HÍ. Rannsóknarklasahugmynd sem lögð var fram í tengslum við MARKVÍS gerir m.a. ráð fyrir slíku samstarfi og byggir á yfirlýstum vilja til samstarfs. Lítil sem engin tengsl eru við tölvufræði á sviði raunvísinda við HÍ en þar gæti skapast samstarf um fræði sem lúta að hönnun og notendaskilum, nýsköpun, kennslu- og menntunarfræði sem lúta að tæknikennslu og fleira. Hugsanlega má bjóða upplýsingatækni og miðlun í skólastarfi fram sem aukagrein í grunnnámi fyrir nemendur á öðrum sviðum HÍ og brýnt er að efla menntun safnkennara í skólum. Þá má nefna safnfræðslu almennt, námsefnisgerð og stafræna miðlun, stafrænar námsbjargir eða námshluti í ýmsu samhengi menntunar og menningar. Ennfremur félagsfræðileg viðfangsefni tengd upplýsingatækni, uppeldi og fötlunarfræðum, t.d. verkefni tengd aðgengi að stafrænni tækni, tölvuleikjum eða samskiptum í netheimum. Dæmi eru um að nemendur HÍ hafi sótt námskeið á sviði upplýsingatækni og miðlunar við KHÍ og líklegt virðist að það færist í vöxt eftir sameiningu skólanna.
Kennarar á sviðinu hafa tekið þátt í fjölmörgum samstarfsverkefnum innlendum og erlendum og/eða hafa tengsl vegna náms síns erlendis. Byggst hafa upp góð tengsl við aðila víðs vegar um heiminn. Sem dæmi má nefna samstarfssamning við Bemidji State University í Minnesota um kennslu og þróunarstörf (gerður í kjölfar veru Patriciu Rogers sem var á Íslandi á Fulbright styrk 2001. Samstarf í kennslu hefur líka verið við Athabascaháskóla. Kennarar á sviðinu hafa tekið þátt í Evrópuverkefnum (APPLAUD, EUN, CEEWIT) og norrænum verkefnum (ITDG/Information Technology, Transnational Democracy and Gender; IT og skoler i spredbygde strök i Norden). Meðal verkefna sem kennarar taka nú þátt í er STEPS Evrópuverkefnið og DLR (digital learning resources) á vegum OECD. Nýlega var unnin umsókn í RANNÍS um færni og hæfniviðmið á sviði upplýsingatækni í samstarfi við University of Minnesota. Þá má nefna DISTANS samtökin sem tengjast fjarnámi og fullorðinsfræðslu.
Hugmyndir og áhyggjuefni varðandi þróun greinasviðsins
Áhyggjur eru af því hve mörg kjörsvið togast á um fáa nemendur einkum í ljósi þess hve kjörsviðin yngri barna kennsla og almenn kennsla draga til sín marga nemendur. Í ár velur um þriðjungur nema þessi tvö svið. Faggreinasviðin vöruðu mjög við þessu þegar almenna kjörsviðið var stofnað á liðnu ári. Spyrja má hvort ekki hafi farið betur á eldra kerfi þar sem nemar gátu valið aðal- og aukasvið og náðu með því að nota alla valmöguleika 25 til 30 einingum á aðalkjörsviði. Til greina kæmi að sum kjörsvið verði eitthvað minni en önnur. Einnig má hugsa sé að einhver námskeið séu unnin í samvinnu tveggja kjörsviða á jafnréttisgrundvelli og telji á báðum kjörsviðum.
Áhyggjur eru af því að kjörsvið í framhaldsnámi hafi ekki jafn sterka stöðu og sjálfstæð námsbraut hafði áður, nemendur sem hefja námið byrja ekki endilega á inngangsnámskeiðinu og erfiðara er að ná til/halda utan um og/eða byggja upp hópinn (cohort-based design). Hópar eru nú blandaðri en áður - einnig m.t.t. kennslureynslu. Spurning er varðandi kennslureynslu hvernig vettvangsnám ætti að þróast innan framhaldsnámsins.
Rætt hefur verið um þann möguleika að kennarar á svið upplýsingatækni og miðlunar bjóði fram námsþætti til nota á námskeiðum annarra, hálfa einingu, eina eða tvær um valda þætti sem líklegt er að önnur námskeið eða námsbrautir myndu vilja nýta sér.
Hugmynd um aukagrein á sviði upplýsingatækni og miðlunar hefur þegar verið nefnd.
Námskosti í tengslum við safnkennslu í skólum þarf að efla.
Tengja mætti upplýsingatækni, miðlun og nám í tómstundastarfi.
Efla þarf notkun upplýsingatækni og nýmiðlunar á háskólastigi í samræmi við yfirlýst markmið með nýrri skipan kennaramenntunar, stefnu stjórnvalda á liðnum árum og Bologna-yfirlýsingu.
Miklir möguleikar eru á bjóða fram ýmiss konar endurmenntunartilboð á vettvangi skólastarfs á öllum skólastigum en lítið svigrúm hefur verið til að sinna þeim.
Tengsl við starf Menntasmiðju hafa verið veruleg og þróunar- og rannsóknarverkefni í samvinnu við hana gætu verið mjög áhugaverð.
Efla þarf samstarf við ráðuneyti menntamála, menntasvið og leikskólasvið Reykjavíkurborgar og starf á vegum annarra sveitarfélaga.
Leiðir til að kynna umfjöllunarefni innan sviðsins
Sjá hér að ofan um skörun, tilboð um námsþætti, tengsl við Menntasmiðju og fleira.
Efla mætti ráðstefnuhald á sviðinu.
Önnur mál
Skipulag vettvangsnáms þarf að samræma á milli sviða.
Næstu skref
Efling rannsóknarverkefna á vegum RannUM.
Tengsl við MARKVÍS.
Hugmyndavinna um kjörsvið.
Hönnun námsþátta að bjóða öðrum.
Tengsl við ráðuneyti og sveitarfélög.
Minnisblað frá kjörsviði í upplýsingatækni og miðlun við menntavísindasvið HÍ
Hver hópur er beðinn um að hafa með sér á fundinn stutt minnisblað (ca 1 bls.) þar sem vikið er að eftirtöldum atriðum:
1. Umfang greinarinnar nú í starfi Menntavísindasviðs (fjöldi kennara, nemenda o.s.frv.):
SJ, TH.../grunn framhalds...
2. Rannsóknir og þróunarstarf kennara sem beinlínis tengjast starfi leik-, grunn- og framhaldsskóla:
Allir senda 3-4 línur um sitt... , taka úr CV og vinnumats... SJ kallar eftir, mætti einnig birta á RANNUM-vef
3. Hugmyndir og staða samstarfs við önnur svið HÍ og annarra háskóla
Rannsóknarklasahugmyndin við Markvís... (SJ)... Ath. að ýmsir utan menntavísindasviðs eru að taka námskeið, svo sameining virðist stuðla að því að nemendur velji sig milli sviða (SJ+SJ; framhaldsnámskeið), skólasafnskennarar – samvinna við bókasafns- og upplýsingafræðina. Ath. miðlalæsi – fjölmiðafræðin..., tölvunarfræði...
4. Hugmyndir og áhyggjuefni varðandi þróun geinarinnar innan menntavísindasviðs
- Val kjörsviðs í grunnnámi
- UT í öllu námi á háskólastigi (ath. Bologna tómstunda- o.fl. greinar),
- Sýn – meira samstarf við ráðuneyti, skóla..
- Kennsla - pakkar misstórir.
- Hlutverk í tengslum við stuðningsþjónustu.
*5. Leiðir til að kynna viðkomandi umfjöllunarefni innan sviðsins
6. Önnur mál
7. Næstu skref
Þessu til viðbótar væri gott að heyra fyrirfram af málum sem hvert svið um sig vill taka upp - svo hægt verði að undirbúa það fyrir fundinn.